Ambiente/ Is canis de istrexu non amancant in logu nostu"CABAINDI IS MANUS DE IS ARENAS ! "Prenit de illusionis una bidda famia de triballu

Riproponiamo oggi un altro formidabile scritto politico in sardo di Gianni Atzori.Si tratta di note politiche in un primo momento elaborate da me, in italiano, liberamente tradotte da mio padre.Il tema è quello del contestatissimo progetto del golf, hotel, resort e residence nel bosco costiero di Is Arenas (inserito nell' elenco dei Siti d' Interesse Comunitari per l'esistenza di Habitat Prioritari,dell'Unione Europea), comune di Narbolia in provincia di Oristano.Ritengo questo scritto interessante oltre che per la consueta originalità dei termini sardi usati, anche per l'eleganza e l'enorme forza politica raggiunta attraverso la lingua sarda.

PIEMONTESUS, CABAINDI IS MANUS DE IS ARENAS !
Est mannu s'avaotu ki nd'est bessiu a pillu in custu contu da Is Arenas.Medas bucas kistionant de attentau a s' autonomia, a sa dignidadi de is sardus e a sa possibilidadi de detzidi ki s'est abarrau.
Est un contu giai intendiu e biu atras bortas in sa storia lunga e beccia de domu nosta.
Unu strangiu cabat in Sardigna po portai ananti is interessus de una multinatzionali, s'aposentat in sa costera e ponenti, prenit de illusionis una bidda famia de triballu, pedit e agatat finantziamentus pubblicus po miliardus e totus currint avatu de is isprigus e de imbirdiu colarau ki ddis at promitiu.

Fintzas is campionis de sardidadi currint oi avattu de custu imbrogliu mannu.
Narant ki sa gherra est contra is piemontesus de oi, non cussus de ariseu ; a nai sa beridadi s'unicu piemontesu ki est bessiu a campu in custu contu est su printzipali de sa sotziedadi Is Arenas.
Seus bivendi de custus tempus un dannu mannu poita sa siccangia est ponendi cu a terra totus is messaius in Campidanu.S' arrosu non si podit ponni, su lori nemancu, ne bietola, ne tomatiga. E custus strangius si permittint de giogai cun s'akua po tenni a friscura is furisteris.
Ant bogau 18 funtanas, funt cabaus fintzas a 170 metrus de profondidadi, si funti collegaus a sa reti idrica de su Sinis, funt accabendi de suspi s'akua de sa falda freatica.
Totu custu po fai giogai is istrangius cun is boccioeddas ki movint cun dunu fusti.
Est de ariseu ki s'est pesada sa boxi de Tziu Mariu Matta, presidenti de sa Coldiretti de Aristanis, po pedi giustamenti a sa Regioni sa dichiaratzioni de "calamita' naturale", po custa siccangia ki est potendi a su disisperu is massaius.C'est de nai ki sa politica regionali parit cantu mancu ammakiada.
Cun d'una manu s'assessore a s'ambienti at pediu in su 1996 s'intrada de Is Arenas in sa nera de is trettus de importu comunitariu e cun s'atra manu in su 1997 s'est posta de accordiu cun sa sotziedadi Is Arenas po ponni in pei su progettu insoru.Duas cosas ki non podint in nisciuna manera curri in pari.
E bistu ki non d'ant fattu is politucus sardus ki in custas disi funt aboxiendi , olleus arregodai su ki est costau a totus is sardus su boscu de Is Arenas, in triballu, in impreu, in sacrificiu e in dinai pubblicu, po essi a sa fini bendiu po pagu soddus a is piemontesu de turnu, ki si olint ancora mulli comenti sempri ant fattu in terra 'e Sardigna, cun s'aggiudu de is canis de istrexu ki non amancant in logu nostu.
Tengiadiddu a contu su Presidenti 'e su contzillu e de sa giunta regionali, po sa Di 'e sa Sardigna.
Su 27 de Abribi 2000, Aristanis

A nomini de Is Birdis de Aristanis (Andrea Atzori)